काठमाडौँ- साफ वुमन्स च्याम्पियनसिपको फाइनल खेलको टिकट अनलाइन किन्न नपाइने भएको छ । आगामी बुधबार त्रिपुरेश्वरको दशरथ रंगशालामा आयोजना हुन लागेको नेपाल र बंगलादेशबीचको फाइनल खेलको टिकट अखिल नेपाल फुटबल संघ एन्फाले आफैँ बिक्री गर्न लागेको हो ।
फाइनल हेर्न चाहने दर्शकले बुधबार बिहान तोकिएका स्थानमा आफैँ उपस्थित भएर टिकट किन्न पाउनेछन् । रंगशालाको दर्शक क्षमता १५ हजार जना भएपनि एन्फाले फाइनलका लागि केबल ११ हजार टिकट मात्र बिक्री गर्ने जनाएको छ ।
यसअनुसार साधारणतर्फ १० हजार र भीआईपीतर्फ १ हजार टिकट बिक्री गरिनेछ । आइतबार सम्पन्न नेपाल र भारतबीचको सेमिफाइनल खेलमा क्षमताभन्दा बढी टिकट बेचेको भन्दै आलोचना भएपनि टिकट व्यवस्थापनको जिम्मा एन्फा आफैँले लिएको हो ।
यो खबर पढेर तपाईलाई कस्तो महसुस भयो ?
प्रतिक्रिया