हरेक वर्ष दिपावलीमा किन किनिन्छ लक्ष्मी-गणेशको नयाँ मूर्ति, जान्नुहोस् कारण

काठमाडौँ – लक्ष्मीपुजा, दीपावली वा दीपोत्सव हिन्दू धर्मको सबैभन्दा ठूलो चाड हो, जुन पाँच दिनसम्म चल्छ। यस दिन लक्ष्मी र गणेशको सँगै पूजा गर्ने चलन छ । लक्ष्मीपुजाकाे दिन अथवा दीपावलीको साँझ घर, पसल, कार्यालय, कलकारखाना आदिमा लक्ष्मी-गणेशको मूर्ति स्थापना गरिन्छ।

हरेक वर्ष दीपावलीमा लक्ष्मी र भगवान गणेशको नयाँ मूर्ति खरिद गरिन्छ। दीपावलीको दिन नयाँ मूर्तिमा पूजा–आराधना गरेपछि यो मूर्तिलाई वर्षभर स्थापना गरि पुरानो मूर्तिलाई विसर्जन गरिन्छ ।

तर के तपाईंले कहिल्यै सोच्नुभएको छ कि हरेक वर्ष दीपावलीमा लक्ष्मी गणेशलाई किन नयाँ मूर्तिमा पुजा गरिन्छ ? यसको पछाडि कारण वा विश्वास के छ जानाैं ।

लक्ष्मी गणेश नयाँ मूर्ति किन्नु आवश्यक छ

दीपावलीमा माटोको बनेको लक्ष्मी–गणेशको एउटै मुर्ति नयाँ किन्ने गरिन्छ । सुन, चाँदी वा पीतल जस्ता धातुबाट बनेका मूर्तिहरू परिवर्तन हुँदैनन्। सामान्यतया गणेशोत्सव वा दुर्गा पर्वमा देवीदेवताको मूर्ति स्थापना गर्दा दस दिनमा विसर्जन गरिन्छ । तर दीपावलीमा स्थापित लक्ष्मी–गणेशको मुर्ति वर्षभर नै त्यहीँ रहन्छ ।

वास्तवमा, पुरातन समयमा माटोको मूर्तिको पूजा गर्ने चलन बढी थियो। जुन एक वर्षसम्म राखेपछि भाँच्ने, बिग्रने वा रङ्गिन हुन्थ्यो । त्यसैले दीपावलीको शुभ अवसरमा मूर्ति विसर्जन गरी नयाँ मूर्ति ल्याइयो । यसपछि हरेक वर्ष दीपावलीमा नयाँ मूर्ति किन्ने चलन सुरु भयो ।

लक्ष्मी-गणेशको मूर्ति कहिले किन्ने ?

धनतेरसको दिनलाई दीपावलीमा लक्ष्मी-गणेशको नयाँ मूर्ति किन्ने सबैभन्दा शुभ दिन मानिन्छ। धनतेरसमा अन्य वस्तुको किनमेलसँगै यस दिन लक्ष्मी-गणेशको मूर्ति पनि खरिद गर्न सकिन्छ।