एकै ठाउँमा धेरै घण्टा बस्नुहुन्छ ? सिन्ड्रोमले तपाईंलाई शिकार बनाउन सक्छ

काठमाडौँ – के तपाईलाई थाहा छ लामो समय एकै ठाउँमा बस्दा नितम्बको काम बिर्सन सक्छ । यो अवस्था निकै अचम्मको लाग्न सक्छ तर चिकित्सा भाषामा यसलाई डेड बट सिन्ड्रोम भनिन्छ।

घरबाट काम गर्दा वा अफिस वा घरमा, लामो समयसम्म लगातार ४५ मिनेटभन्दा बढी एउटै पोजिसनमा बस्नु निकै खतरनाक हुनसक्छ । यसले धेरै प्रकारका समस्या निम्त्याउन सक्छ। डेड बट सिन्ड्रोम पनि यी मध्ये एक हो।

यो कुन रोग हो, यसले के कस्ता खतरा निम्त्याउन सक्छ र यसबाट बच्न के गर्ने भन्ने बारे जान्नुहोस्…

घरबाट काम गर्ने संस्कृति कोरोनाको समयदेखि निकै बढेको छ । जसका कारण मानिसहरु अहिले एकै ठाउँमा घण्टौं बसेर काम गर्ने गर्दछन् भने उनीहरुको दिनभर घरायसी र अफिसको काममा बित्छ र उनीहरुलाई कसरत गर्न पनि समय मिल्दैन । यदि तपाइँको अवस्था उस्तै छ भने सतर्क हुनुहोस्, तपाइँ चाँडै डेड बट सिन्ड्रोमको सिकार हुन सक्नुहुन्छ।

लामो समयसम्म एउटै पोजिसनमा बस्दा डेड बट सिन्ड्रोम हुन सक्छ । यसलाई ग्लुटेल एम्नेसिया पनि भनिन्छ। यस अवस्थामा, कम्मर अक्सर सुन्न हुन्छ। हिप र यसको वरपरका क्षेत्रहरूले केही समयको लागि काम गर्न बन्द गर्दछ।

जसका कारण ग्लुटेन मेडियस नामक रोग पनि लाग्न सक्छ । जसका कारण सामान्य काम गर्न समेत कठिन हुने गरेको छ । यो समस्यामा ग्लुटेस मेडियस अर्थात हिप बोनमा सुन्निने गर्छ । रक्तसञ्चार रोकिनुका कारण यस्तो हुन्छ ।

डेड बट सिन्ड्रोमका लक्षणहरू के हुन् ?

ढाड, घुँडा र खुट्टामा कडा दुखाइ
हिप तनाव
कम्मरको तल्लो भागमा झनझन महसुस हुनु
कम्मर वरिपरि सुन्निने, जलन र दुखाइ

डेड बट सिन्ड्रोमबाट बच्ने उपाय

कार्यालयमा लिफ्ट होइन, सीढीहरू प्रयोग गर्नुहोस्।
आफ्नो सिटबाट उठ्नुहोस् र ३०-४० मिनेटमा स्ट्रेच गरिरहनुहोस्।
क्रस-खुट्टा बस्नु लाभदायक हुन सक्छ।
दैनिक कम्तीमा ३० मिनेट हिड्नुहोस्।
अफिसमा समय मिल्दा थोरै हिँड्नुहोस्।