बलिउड अभिनेत्री तृप्ति डिमरीलाई विवाहका प्रस्तावको ओइरो

काठमाडौँ– एनिमल फेम बलिउड अभिनेत्री तृप्ति डिमरीलाई पछिल्लो समय विवाहको प्रस्ताव आएको खुलाएकी छिन् ।

उनले केही समयअघि मात्रै एउटा कार्यक्रमको अन्तर्वार्तामा म्यासेजमार्फत विवाहको लागि अफर आइरहेको बताएकी हुन् । ‘मलाई यो कुरा निकै नै अजिब लाग्यो,’ उनले भनेकी छिन् ।

उनले भर्खरै मात्रै फिल्म ‘विक्की विद्याका वो वाला भिडिओ’ को प्रमोसनमा आफ्नो लुक सार्वजनिक गरेकी छिन् । उनको सो लुक फिल्मको ट्रेलर लञ्ज हुने बेला सार्वजनिक गरिएको थियो । त्यसमा उनी साडीमा देखिएकी छिन् । त्यसमा उनले सुहाउँदो सल, चुरी र चश्मा पनि लगाएकी छिन् ।

फिल्ममा राजकुमार राय, मल्लिका शेरावत, विजय राज र मुकेश तिवारीको पनि अभिनय रहेको छ । फिल्मको ट्रेलरमा राजकुमार राय र तृप्ति डिमारीलाई शुरुमै देखाइएको छ । दुबै जना आफ्नो विवाहको पहिलो रातलाई स्मरणीय बनाउनको लागि कुरा गरिरहेका छन् ।

ट्रेलरमा विक्की र विद्याको सुहागरातको लागि बनाइएको सिडी चोरी हुन्छ । सोही सिडीको खोजतलासबाट फिल्मको सुरुवात हुन्छ । फिल्म निकै रोमाञ्चक, कमेडी र रहस्यमयी हुने देखाइएको छ । दर्शकले फिल्मको ट्रेलरलाई मन पराएका छन् ।

बलिउड अभिनेता रणवीर कपुरको अभिनय रहेको फिल्म ‘एनिमल’ पछि यो उनको दोस्रो फिल्म हो । यो भन्दा पहिले अभिनेत्री डिमरीले फिल्म ‘ब्याड न्युज’ मा हिट भएकी थिइन् । अब उनी ‘विक्की विद्याका वो वाला भिडिआ’ मा धमाका बचाउन तयार छिन् ।

यसपछि उनी फिल्म ‘भूलभूलैया ३’ र ‘धडक २’ मा काम गर्ने छिन् । यो फिल्म अभिनेता शाहिद कपुर र विशाल भारद्धाजको बहुप्रतिक्षित फिल्ममा मुख्य भूमिकामा देखिनेछिन् ।