काठमाडौँ– बडा दशैँको अवसरमा आज फूलपातीदेखि रिलिज भएका फिल्मको क्रेजका कारण क्यूएफएक्स सिनेमाको वेबसाइटमा समस्या आएको छ । क्यूएफएक्सले सामाजिक सञ्जालमार्फत अत्यधिक चापका कारण साइट नखुलेको जनाएको हो ।
आजदेखि नेपाली फिल्म ‘१२ गाउँ’, ‘छक्का पञ्जा ५’ र ‘ज्वाइँ साब’ एकसाथ प्रदर्शनमा आएका छन् । यी तीनै फिल्मको क्रेज एकाएक बढेपछि हलमा फिल्म हेर्ने दर्शकको चाप पनि अत्यधिक बढेको हो ।
क्यूएफएक्सले जनाए अनुसार टिकट किन्ने दर्शकको चाप बढ्दा साइट डाउन भएको हो भने यसलाई सुधार्ने प्रयास गरिएको छ ।
आजदेखि प्रदर्शनमा आएका तीनै फिल्मले राम्रो प्रदर्शन गरिरहेका छन् भने तुलनात्मक रुपमा विराज भट्टको ‘१२ गाउँ’ र दीपकराज गिरीको ‘छक्का पञ्जा ५’ बीच प्रतिस्पर्धा देखिएको छ ।
यो खबर पढेर तपाईलाई कस्तो महसुस भयो ?
प्रतिक्रिया