लण्डन – नेपालमा हालै आएको बाढी पहिरो पीडितका लागि गैरआवासीय नेपाली सङ्घले स्वास्थ्य सम्बन्धी परामर्श दिने उद्देश्यले ‘हेल्थ हट लाइन’ को सुरुवात गरेको छ ।
गैरआवासीय नेपाली सङ्घका सल्लाहकार डा. सञ्जीव सापकोटाका अनुसार पीडितहरूले स्वास्थ्य सम्बन्धी समस्या परेमा विज्ञ चिकित्सकहरूसँग सिधै सम्पर्क गर्न सक्ने छन् ।
पीडितहरूले चिकित्सकलाई कल वा म्यासेज गरेर आफूले भोगेको विपद्को कारण उत्पन्न भएका स्वास्थ्य समस्याहरू वा पहिलेदेखिका स्वास्थ्य समस्याहरू झनै बिग्रिएको अवस्थामा स्वास्थ्य सल्लाह लिन सक्नेछन्।
हटलाइनमा मानसिक स्वास्थ्य सम्बन्धी सल्लाहकारहरू पनि समावेश छन् जसलाई मानिसहरूले विपद्को कारण भएको मानसिक आघात जस्तो कि अनिद्रा, डर, चिन्ता, झर्को लाग्ने, आत्महत्याका विचार आउने जस्ता समस्याहरूमा सल्लाह लिन सकिने छ ।
हटलाइनमा डा. शागर विश्वकर्मा, डा. संगिता छन्त्याल, डा. कुन्दन कुमार यादव र डा. शिव कुमार महतोले स्वास्थ्य सम्बन्धी परामर्श दिने भएका छन् ।
विस्तृत जानकारीको लागि डा. संजिव सापकोटा, शक्ति चौरसिया र डा. प्रभात अधिकारीलाई सम्पर्क गर्न संघले आग्रह गरेको समाचार संयोजक तथा आईसीसी सदस्य चिरन शर्माले जनाए ।
यो खबर पढेर तपाईलाई कस्तो महसुस भयो ?
प्रतिक्रिया