तीन सय रुपैयाँले घट्यो सुनको मूल्य, कतिमा हुँदैछ कारोबार ?

काठमाडौँ– आइतबार नेपाली बजारमा सुनको मूल्यमा सामान्य गिरावट आएको छ । शुक्रबार नयाँ किर्तिमान्सहित कारोबार भएको सुनको मूल्यमा आज प्रतितोला ३०० रुपैयाँले घटेको छ ।

आज सुनको प्रतितोला एक लाख ६१ हजार रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । अघिल्लो दिन प्रतितोला १ लाख ६१ हजार ३ सय रुपैयाँमा कारोबार भएको थियो ।

त्यस्तै चाँदीको भाउ ५ रुपैयाँ बढेको छ । अघिल्लो दिन १९८० रहेको चाँदी यस दिन १९८५ रुपैयाँ पुगेको छ । चाँदीको यो भाउ हालसम्मकै उच्च हो ।