गायक चौधरीको ‘माया’ बोलको गीत सार्वजनिक

काठमाडौँ– गायक संजय चौधरीको ‘माया’ बोलको गीत सार्वजनिक भएको छ । शुक्रबार संजय चौधरीको आधिकारिक युट्युब च्यानलमा गीतको भिडिओ सार्वजनिक गरिएको हो ।

गीतमा गायक चौधरीको आफ्नो शब्द, संगीत, स्वर रहेको छ । किशोर चौधरीको निर्देशन रहेको उक्त गीतमा भूमिका थारू, निरज बाबु र दिपक पछलडङ्ग्याको अभिनय रहेको छ ।

अभिनय गर्ने तिनै कलाकारहरु रंगमञ्च क्षेत्रका हुन् । रबी कोइरालाले भिडियोलाई क्यामरामा कैद गरेका छन् भने ड्रोन सट मेघनाथ चौधरीको रहेको छ । संगीत संयोजन कृष्णले लिम्बुले गरेका हुन् । राम शरण चौधरीद्वारा निर्माण गरिएको यो गीत चितवनमा छाँयाङ्कन भएको हो । भिडियोमा वियोगान्त प्रेम कथा देखाइएको छ जसमा थारू परिवेश पनि झल्किन्छ ।