क्यानाडामा अनौपचारिक खेलमा पनि नेपाल पराजित

काठमाडौँ- नेपाली क्रिकेट टोली एचटी क्यानडासँगको पहिलो अनौपचारिक खेलमा पराजित भएको छ । गए राति सम्पन्न खेलमा नेपाल घरेलु टोलीसँग ३ विकेटले पराजित भएको हो ।

क्यानडामा विश्वकप क्रिकेट लिग–२ अन्तर्गत त्रिदेशीय सिरिज र त्यसपछि टी–२० सिरिजको असफलतापछि पनि नेपालको हारको सिलसिला रोकिएको छैन ।

नेपालले लिग–२ सिरिजमा केबल १ अंक जोडेको थियो भने टी–२० सिरिजमा ओमानविरुद्ध २ खेल जितेको थियो ।

नेपालले यो अभ्यास खेल सोमपाल कामीको कप्तानी खेलेको थियो । नेपालले दिएको १ सय ४४ रनको लक्ष्य पछाएको एचटी क्यानडाले ३६ ओभरमा ७ विकेट गुमाएर पूरा गरेको थियो । यसअघि नेपाल ३९ ओभर ४ बलमा अल आउट हुदै १४३ रनमा समेटिएको थियो ।

नेपाल र एचटी क्यानडाबीचको दोस्रो अभ्यास खेल आज राति र तेस्रो खेल मंगलबार खेल्दै छ ।