काठमाडौँ – बिराज भट्ट निर्देशित फिल्म ‘१२ गाउँ’ को ट्रेलर रिलिज भएको केही घण्टामै युट्युब ट्रेन्डिङमा परेको छ । फिल्मको ट्रेलर नेपालमा फिल्मतर्फ पहिलो नम्बरमा उक्लिएको हो ।
यो बाहेक फिल्म खुस्माको ट्रेलर र एक्टरको टिजर पनि ट्रेण्डिङमा परेका हुन् ।
सार्वजनिक भएको २२ घण्टामा ट्रेलरले ६ लाख बढी भ्यूज पाउँदै ट्रेन्डिङमा आउन सफल भएको छ । ट्रेलरलाई ६४ हजारले लाइक गरेका छन् । जसमा विराज भट्ट र यही फिल्मबाट रजतपटमा डेब्यु गर्न लागेका समीर भट्टको भरपुर एक्सन अवतार देखाइएको छ ।
फिल्मको ट्रेलरमा समीरलाई सिक्स प्याकमा देखाइएको छ । फिल्मको ट्रेलर हेर्दा विराज र समीर दुवै भरपूर एक्सनका साथ देखिनेछन् ।
रिलिज नहुँदै चर्चा कमाएको यो फिल्म यही असोज २४ गते फूलपातिका दिनदेखि प्रदर्शनमा आउँदैछ । सामाजिक सञ्जालमा समीरले ट्रेलरको तारिफ गरे पनि सोही मितिमा तीनवटा फिल्म एकसाथ रिलिज हुन लागेकाले प्रतिस्पर्धा चर्को हुने देखिन्छ ।
एक्सन प्रधान ट्रेलरले १२ गाउँ नामक एक काल्पनिक थलोको शोषक र सामन्त, जन्मिदार विरुद्ध सङ्घर्ष गर्ने पात्रहरूको कथा भन्छ ।
फिल्ममा सोनु चन्द्रपाल, दिया मास्के, मुरलिधर, सनिसा भट्टराई, नरेन खड्का, न्यान्सी खड्का, स्टन्ट सिल्भा, सन्तोष सरकार, कनिज कोइराला लगायतकाको अभिनय छ ।
फिल्मको निर्माण पनि बिराज आफैले गरेका हुन् । फिल्ममा अर्जुन पोखरेल र नीरज सिंहको सङ्गीत, रामजी लामिछाने र सुनिल क्षेत्रीको कोरियोग्राफी, महेश पौडेल र राजु लामाको डीओपी, सन्तोष सरकारको लेखन, स्टन्ट सिल्भा र शंकर महर्जनको एक्सन, भूपेन्द्र अधिकारीको सम्पादन छ ।
यो खबर पढेर तपाईलाई कस्तो महसुस भयो ?
प्रतिक्रिया