काठमाडौँ – स्पेनका लिजेण्ड फुटबलर आन्द्रे इनेस्टाले फुटबलबाट संन्यास लिएका छन् । ४० वर्षीय इनेस्टाले आफ्नो संन्यासको अक्टोबर ८ मा घोषणा गर्ने बताइएको छ ।
इनेस्टा हाल युएई लिगको इमिरेट्स क्लबसँग आबद्ध रहेका छन् । इनेस्टाले अब कोचिङमा काम गर्ने बताइएको छ । उनले यस अघि नै बार्सिलोनाको कोचिङमा इच्छा देखाएका थिए ।
बार्सिलोनाका लागि सन् २००० देखि २०१८ सम्म खेलेका इनेस्टाले सिनियर टिमका लागि ६७४ खेल खेल्दै ५७ गोल गरेका छन् ।
बार्सिलोना छोडेपछि उनले जापानी क्लब भिसेल कोबेमा ५ बर्ष खेलेका थिए । इनेस्टाले स्पेनको राष्ट्रिय टिमबाट भने २०१८ मै संन्यास लिएका थिए ।
यो खबर पढेर तपाईलाई कस्तो महसुस भयो ?
प्रतिक्रिया