पीएसजीमाथि आर्सनलको शानदार जित

काठमाडौँ – युईएफए च्याम्पियन्स लिग अन्तर्गत आर्सनलले पीएसजीलाई पराजित गरेको छ । गएराती सम्पन्न खेलमा आर्सनलले पीएसजीमाथि २-० को सहज जित हासिल गरेको हो ।

आर्सनलको जितमा काइ हार्भट र बुकायो साकाले एक एक गोल गरेका थिए । पहिलो खेलमा बराबरीमा रोकिएको आर्सनलको च्याम्पियन्स लिगको यस सिजनमा यो पहिलो जित हो ।

यो जितपछि आर्सनलको २ खेलमा ४ अङ्क भएको छ ।

त्यस्तै पहिलो खेल जितेको पीएसजीले भने यस खेलमा लज्जास्पद हार बेहोरेको छ । पीएसजीका प्रशिक्षक लुइस इनरिकले अनुशासन उलङ्घन गरेको भन्दै यस खेलमा आफ्ना प्रमुख खेलाडी ओसमान डेम्बेलेलाई टिम बाहिर राखेका थिए । पीएसजीको यो हारपछि २ खेलमा ३ अङ्क रहेको छ ।

अब आर्सनलले अक्टोबर २३ मा शख्तर डोनेटस्कसँग खेल्ने तालिका छ भने पीएसजीले पीएसभीसँग खेल्ने तालिका रहेको छ ।