स्थगित भयो फिल्म ‘आँखा’ को प्रदर्शन

काठमाडौँ – गत शुक्रबार रिलिजदेखि प्रदर्शनमा रहेको फिल्म ‘आँखा’ को प्रदर्शन स्थगित गरिएको छ।

बाढी पहिरो र प्राकृतिक विपत्तिका कारण देखाउँदै निर्माण पक्षले सोमबारदेखि फिल्मको प्रदर्शन स्थगित गरेको । 

निर्माताले जारी गरेको विज्ञप्तिमा हालको बाढी पहिरो र प्राकृतिक विपत्तिका कारण जनमानसलाई आवतजावत गर्न समेत कठिन भएको परिप्रेक्षमा सबैभन्दा पहिला आम मानिसको जनधनको सुरक्षालाई पहिलो प्राथमिकतामा राखेर हाललाई फिल्म आँखालाई केही समयका लागि प्रदर्शन स्थगित गरेको  उल्लेख छ । 

विज्ञप्तिमा यो निर्णयबाट प्रदर्शक र दर्शकलाई परेको असुविधाप्रति निर्माताले माफी समेत मागेका छन्। सहज वातावरण भएपछि फिल्मलाई पुनः प्रदर्शनमा ल्याउने जनाइएको छ।

सुकुम्वासी बस्तीको कथामा निर्माण भएको फिल्म जौन योन्जनको निर्माण एवं निर्देशनमा बनेको हो ।  फिल्ममाको शीर्ष भूमिकामा स्मिता लामिछाने र आरके मेहता छन्। 

साथमा, विजय बराल, नीशा अधिकारी, बुद्धि तामाङ, सरोज खनाल, पशुपति राई, कृष्णभक्त महर्जन, राजन खतिवडा, प्रविण खतिवडा, लुनिभा तुलाधर, अभयराज बराल र बाल कलाकार प्रसन राईको पनि अभिनय छ।