काठमाडौँ – दुई वर्ष अगाडि सार्वजनिक प्रदर्शनमा आएको फिल्म ‘प्रेम गीत ३’ ओटीटी प्लेटफर्म ‘सिनेमाघर एप’मा रिलिज भएको छ । अब प्रदीप खड्का स्टारर यो फिल्म विश्वभरबाट हेर्न सकिने छ ।
यस अन्तर्गत नेपालबाट १९९ रुपैयाँ र विदेशबाट दुई डलर भुक्तानी गरेर ‘प्रेम गीत–३’ हेर्न सकिने छ ।
आसुसेन फिल्म्स प्रोडक्सनको ब्यानरमा बनेको यस चलचित्रलाई छेतन गुरुङ र सन्तोष सेनले निर्देशन गरेका छन् । नेपाली र हिन्दी दुवै भाषामा एकैसाथ प्रदर्शनमा आउने यो पहिलो फिल्म समेत हो । फिल्म खजाग राज्यका कान्छा राजकुमार प्रेम र उनकी प्रेमीको कथामा बनेको हो ।
जसमा प्रदीप खड्काका अलावा क्रिस्टिना गुरुङ, शिव श्रेष्ठ, मनिष राउत, अनुभव रेग्मी, सम्वृद्धि शाही ठकुरी, सुनिल थापा, सन्तोष सेन, माओत्से गुरुङ, पुस्कर कार्की, प्रेम पुरी, लक्ष्मी वर्देवा, योगिशा खत्रीलगायतका फिल्ममा अभिनय छ ।
यो खबर पढेर तपाईलाई कस्तो महसुस भयो ?
प्रतिक्रिया