यू-२० एसियन कपमा आज नेपालको सामना उज्बेकिस्तानसँग

काठमाडौँ – एएफसी यू-२० एसियन कप छनौटमा नेपालले आज उज्बेकिस्तानको सामना गर्दैछ । 

न्यू ताइपेइ सिटीस्थित, फू जेन क्याथोलिक युनिर्भसिटी स्टेडियममा हुने खेल नेपाली समय अनुसार १२: ४५ बजेदेखि शुरु हुनेछ । समूह बी मा रहेको नेपाल दुई खेलबाट तीन अङ्क जोड्दै चौथो स्थानमा छ ।

अघिल्लो खेलमा कम्बोडियालाई ७-० को फराकिलो अन्तरले हराएको उज्बेकिस्तान तीन अङ्कसहित शीर्ष स्थानमा छ ।

उज्बेकिस्तान समूहकै बलियो टोली हो । नेपालले पहिलो खेलमा कम्बोडियासँग ४-१ गोलको हार बेहोरेको थियो भने दोस्रो खेलमा नेपालले चाइनिज ताइपेइमाथि ३-१ गोलको जित हात पारेको थियो ।