काठमाडौँ – चर्चामा रहेको प्रदर्शनरत फिल्म ‘साम्बाला’ले एक हप्तामा करिब डेढ करोड रुपैयाँ ग्रस कलेक्सन गरेको छ ।
गत शुक्रबारबाट रिलिज भएको चलचित्रले एक हप्तामा एक करोड ४० लाख रुपैयाँ ग्रस कलेक्सन गरेको हो ।
निर्देशक मिनबहादुर भामका अनुसार अहिले फिल्मको अकुपेन्सी उच्च देखिएको छ । रिलिजको पहिलो दुई दिनमा खासै व्यापार नगरेको यो फिल्म वर्ड अफ माउथ राम्रो हुँदै जाँदा अहिले राम्रो शो पाएको छ भने अकुपेन्सी समेत बढ्दै छ ।
फलतः दर्शकको सङ्ख्या पनि बढ्दै गएको छ । ‘साम्बाला’ करिब १५ करोड रुपैयाँ लगानीमा निर्माण भएको फिल्म हो ।
९७ औँ अस्कर अवार्डमा सिफारिस भएको यो चलचित्रमा थिन्ले ल्हामो, सोनम तोप्देन, तेन्जिन दल्हा, कर्मा वाङ्ग्याल गुरूङ, कर्मा शाक्यलगायत कलाकारको अभिनय छ ।
यो खबर पढेर तपाईलाई कस्तो महसुस भयो ?
प्रतिक्रिया