विभिन्न परिकारका पारखीहरु धेरैजसो आफैँ भान्सामा खाना बनाउन जान्दैनन् । खाना बनाउन मेहनतले मात्र पुग्दैन । विशेष कला र त्यसबारे ज्ञान आवश्यक रहन्छ । यदि तपाईंसँग भान्साको साधारण ज्ञान छैन भने हामी केहि टिप्सहरु दिदैछौं, जो तपाईंका लागि उपयोगी रहन सक्छन् ।
१. बेकिङ गर्नुअघि ओभन मेसिनलाई केहिबेर तताउनुहोस् । ओभन तातेपछि मात्र त्यसमा बेक गर्ने कुरा राख्न सक्नु हुनेछ ।
२. प्रेसर कुकरको प्रयोग गर्दा त्यसको ढकनी/बिर्काेलाई राम्ररी लगाएर मात्र क्लिप लगाउनुहोस् । अन्यथा बिर्काेको चेपबाट बाफ आउने, रबर निस्कने वा बिर्काे नै उछिट्टिने हुन्छ ।
३. खाना पकाउँदा आगो सधैँ मध्यम तापक्रममा राख्नुहोस् । यसले खानालाई राम्ररी पाक्न मद्दत गर्छ । यसो गर्दा खाना सराबरी पाक्नुका साथै ग्यासको पनि बचत हुन्छ ।
४. यदि कुनै तरकारीको झोल खाने हो भने पहिला त्यसलाई भुट्नुस् र अर्को चुलोमा पानी उमाली राख्नुस् । त्यो उम्लेको पानी हालेर पकाउँदा तरकारी मीठो बन्छ ।
५. प्याज भुट्दा थोरै अलिकति नून हाल्नुस् । त्यसो गर्दा प्याज लपक्क भएर चाडै पाक्छ ।
६. काँक्रालाई काट्नु अघि बिचबाट पिटिक्क भाच्नुस्, र केहिबेर राख्नुहोस् । यसो गर्दा काँक्राको तितोपना घटेर जान्छ ।
७. फलामको कराईमा खाना पकाउँदा शरीरमा अभाव हुने आइरनको मात्रा पूरा हुनसक्छ ।
८. पुरी बनाउँदै हुनुहुन्छ, र पसलमा झै स्वादिलो बनाउन चाहानुहुन्छ भने पिठोलाई दूधले मुस्नुहोस् । साथै पिठोसँगै थोरै चिनी र नुन राखेर मुस्दा पुरी स्वादिलो हुनेछ ।
९. यदि पकौडा बनाउँदै हुनुहुन्छ भने बेसनमा केहि कागतीको रस हाल्नुहोस्, पकौडाले धेरै तेल सोस्दैन र कुरुमकुरुम समेत बन्छ ।
१०. झोल तरकारीमा नुन ज्यादा भयो भने पिठो मुसेर डल्ला पारेर ६/७ डल्ला राख्दा नुनको मात्रा कम भएर जान्छ ।
यो खबर पढेर तपाईलाई कस्तो महसुस भयो ?
प्रतिक्रिया