माउस कम्प्युटरलाई निर्देशनहरू दिन र कर्सर चलाउन प्रयोग हुने एक साधन हो।
स्क्रिनमा कुनै पनि फाइललाई एक ठाउँबाट अर्को ठाउँमा लैजानका लागि वा कुनै पनि आइकनमा क्लिक गर्नका लागि हामीले माउसको सहयोग लिन्छौँ ।
इतिहास हेर्ने हो भने माउसको आविष्कार सन् १९६० को दशकमा डग्लस कार्ल एन्जेलबर्टले गरेका हुन् । माउसको आविष्कार हुने बेलामा यसको नाम प्वाइन्टर डिभाइस राखिएको थियो । अहिले माउस विभिन्न आकार र प्रकारमा पाइन्छ । यसै सन्दर्भमा आज हामी रातसहित र ताररहित मध्ये कुन माउस राम्रो भन्ने विषयमा चर्चा गर्दै छौँ ।
ताररहित माउस तार भएको माउस भन्दा थोरै सुस्त हुन्छ। यो कुरा गेमिङ गर्नेहरूले बढी बुझ्नेछन्। वास्तवमा, ताररहित माउसको प्रतिक्रिया समय तार भएको माउसको भन्दा ढिलो हुन्छ।
यसले गेमिङमा समस्या निम्त्याउँछ। धेरैजसो गेमरहरू तार भएको माउसको साथ खेल्न रुचाउँछन्। यदि तपाईँ पनि गेमर हुनुहुन्छ भने वायर्ड माउस तपाईँको लागि राम्रो विकल्प हो।
ताररहित माउसको साथ, तपाईँ जहाँबाट पनि काम गर्न सक्नुहुन्छ। अर्थात्, एक सीमित दायरामा, तपाईँ जहाँबाट पनि ल्यापटप वा डेस्कटप सञ्चालन गर्न सक्नुहुन्छ।
तर यो वायर्ड अर्थात तारसहितको माउसको मामला फरक हुन्छ। यसमा ल्यापटप वा डेस्कटपमा नै लिएर बस्नु पर्छ। कहिलेकाहीँ यो कष्टप्रद देखिन्छ। त्यसैगरी, वायरलेस माउस चलाउन ब्याट्री चाहिन्छ, जबकि तारमा त्यस्तो हुँदैन।
फलत : तपाईंको लागि उत्तम छनोट के हो भन्नेमा यो तपाईंको आवश्यकतामा निर्भर गर्दछ। यदि तपाइँ धेरै गेमिङ वा सम्पादनको काम गर्नुहुन्छ भने, तपाइँको लागि वायर्ड माउस एक राम्रो विकल्प हो ।
जबकि एक वायरलेस माउस आराम र तारको झन्झट नचाहनेको लागी राम्रो हुनेछ। त्यस्तै वायरलेस माउसको मूल्य तारसहितको माउसको भन्दा निकै उच्च हुन्छ र यो विभिन्न कम्पनी अनुसार तलमाथि हुन सक्छ।
यो खबर पढेर तपाईलाई कस्तो महसुस भयो ?
प्रतिक्रिया