म्यानचेस्टर सिटीको लगातार चौथो जित

काठमाडौँ – म्यानचेस्टर सिटीले इङलिश प्रिमियर लिगमा लगातार चौथो जित हासिल गरेको छ ।  गएराती सम्पन्न खेलमा म्यानचेस्टर सिटीले ब्रेन्टफोर्डलाई २-१ गोल अन्तरले पराजित गरेको हो । 

म्यानचेस्टर सिटीका लागि इर्लिंग हालाण्डले दुवै गोल गरेका थिए । उनले यस सिजनका चार खेलमा ९ गोल गरिसकेका छन् । 

त्यस्तै ब्रेन्टफोर्डका लागि योआने विसाले एक गोल गरेका थिए । खेलको पहिलो मिनेटमा नै गोल गरेर सिटीविरुद्ध अग्रता लिएको ब्रेन्टफोर्डले अग्रता जोगाउन नसक्दा हार बेहोरेको थियो ।

यो जितपछि म्यानचेस्टर सिटीको ४ खेलमा १२ अङ्क भएको छ र लिगको शीर्ष स्थानमा रहेको छ । त्यस्तै ब्रेन्टफोर्डको भने ४ खेलमा ६ अङ्क रहेको छ र लिगमा सातौँ स्थानमा रहेको छ ।