काठमाडौँ – ओस्कार अवार्डमा नेपालबाट फिल्म ‘शाम्बाला’ले प्रतिनिधित्व गर्ने भएको छ ।
अवार्डमा सहभागिताका लागि छनोट समितिले बिहीबारसम्म आवेदन दिने समय दिएको थियो । त्यसमा शाम्बालाको मात्रै आवेदन परेपछि यो फिल्म ओस्कारका लागि नेपालको प्रतिनिधित्व गर्ने सुनिश्चित भएको हो ।
योसँगै मीनबहादुर भामले निर्देशन गरेको ‘शाम्बाला’ले ओस्कारको अन्तर्राष्ट्रिय फिचर विधामा भाग लिनेछ ।
नेपालको छनोट समितिले फिल्मलाई नोभेम्बरसम्म अमेरिका पठाइसक्नुपर्नेछ । ९७ औँ ओस्कार अवार्ड ३ मार्च, २०२५ मा अमेरिकाको लसएन्जलसमा आयोजना हुँदै छ ।
यो खबर पढेर तपाईलाई कस्तो महसुस भयो ?
प्रतिक्रिया