काठमाडौँ- ठगी गरेको आरोपमा कलाकार सुलेमान शङ्कर (इकु) पक्राउ परेका छन् । कलाकार भिसामा विभिन्न मुलुक पठाइदिन्छु भनेर ठगी गरेको आरोपमा उनी पक्राउ परेका हुन् ।
उनलाई केन्द्रीय अनुसन्धान ब्युरो (सीआईबी) ले मंगलबार बुढानीलकण्ठबाट पक्राउ गरेको हो । इकुमाथि विभिन्न मुलुकमा आयोजना हुने कार्यक्रममा गैरकलाकारलाई कलाकार भिसामा लैजाने भन्दै प्रतिव्यक्ति १५ देखि २० लाख रुपैयाँसम्म लिएर ठगी गरेको आरोप लगाइएको छ ।
पक्राउ परेका इकुविरुद्ध ठगीको कसुरमा काठमाडौं जिल्ला अदालतबाट ५ दिनको म्याद लिएर अनुसन्धान अघि बढाइएको छ ।
यो खबर पढेर तपाईलाई कस्तो महसुस भयो ?
प्रतिक्रिया