काठमाडौँ – गायक तथा अभिनेता प्रकाश सपुतले आफ्नो डेब्यु निर्देशकीय फिल्म ‘वसन्त’को छायांकन थालेका छन् । छायांकनअघि कालिका मन्दिरमा शुभसाइत पूजा गरिएको फिल्मको उनकै गृहजिल्ला बागलुङबाट छायांकन थालिएको हो ।
फिल्मको सपुतकै जन्मथलो धम्जा गाउँसहित बागलुङका विभिन्न स्थानमा २५ दिनसम्म छायांकन चल्नेछ । दशैंतिहारको बीचमा राजधानी काठमाडौँ र तराईका विभिन्न लोकेसनमा छायांकनको तयारी छ ।
निर्माता कम्पनी गलबन्दी प्रोडक्सनका कार्यकारी प्रमुख दिल श्रीशका अनुसार छायांकनको लागि कास्ट एण्ड क्रू शनिबारै बागलुङ बजारदेखि धम्जा जानेछन् । फिल्मलाई सुसन प्रजापतिले छायांकन गर्नेछन् ।
यो सोसल ड्रामा फिल्ममा निर्देशनसहित पटकथा र संगीत पनि सपुतकै हुनेछ । फिल्ममा स्वस्तिमा र प्रकाशसहित प्रभात पाल ठकुरी, खड्कबहादुर पुन, शिवांशी श्री लगायतको अभिनय हुनेछ । अनुप बराल, कमलमणी नेपाल, प्रकाश घिमिरेको समेत यसमा अभिनय हुनेछ ।
फिल्मको प्रदर्शन मिति आगामी चैत २२ गतेलाई तय छ ।
यो खबर पढेर तपाईलाई कस्तो महसुस भयो ?
प्रतिक्रिया