काठमाडौँ- आज दिनभर निराहार व्रत बसेर हिन्दू नारीहरुले तीज मनाएका छन् । निराहार व्रत सकिएपछि के खाने के नखाने भन्नेबारे धेरैलाई थाहा नहुन सक्छ । ब्रत सकिएपछि मानिसहरू खान नहुने कुरा बढी खाएर पनि बिरामी पर्ने गरेका चिकित्सकहरू बताउँछन् ।
दिनभरको भोको पेटले तत्काल कडा खाना पचाउन नसक्ने भएकाले हल्का खानेकुरा खान सकिन्छ । लामो ब्रतपछि एकै पटक धेरै खानेकुरा खाँदा शारीरिक प्रतिक्रिया उत्पन्न भएर मानिस बेहोस हुन सक्छ ।
ठोस खाना मात्रै होइन, पानी पनि एक्कासि धेरै पिउनुहुँदैन । पहिले थोरै खाएर केही बेर आराम लिएपछि फेरि खानु उपयुक्त मानिन्छ ।
ब्रत सकिएपछि आँटाको रोटी बनाई आलुसँग खान सकिन्छ । ब्रतमा साबुदाना र दूध मिलाएर शुद्ध परिकार बनाएर खाँदा पनि आडिलो हुने बताइन्छ ।
ब्रतमा बदाम भिजाएर दूधमा लगाएर पनि खान सकिन्छ ।
ब्रत सकिएपछि केहीक्षण राहत भन्दै कोल्ड ड्रिङ्क लिने बानी छ भने त्यसले मुटुमा गम्भीर खतरा पैदा गर्छ । खाली पेटमा तत्काल चिया पिउनु पनि ठिक नहुने चिकित्सकहरू बताउँछन् । यसका अतिरिक्त मसलेदार खाना पनि राम्रो हुँदैन ।
दिनभर केही नखाएर सुख्खा भएको खाना नलीमा एक्कै पटक साह्रो खाना खाँदा समस्या हुन्छ । त्यसले खानाका नलीहरू फुट्ने सम्भावना हुन्छ।
यो खबर पढेर तपाईलाई कस्तो महसुस भयो ?
प्रतिक्रिया