गर्भवती महिलाले तीजको व्रत बस्दा कस्ता कुरामा ध्यान दिनुपर्छ ?

काठमाडौँ – हिन्दुधर्ममा धेरै चाडपर्व मनाइन्छ । चाडपर्व मनाउदा केही पर्वमा व्रत पनि बसिन्छ तर सबै व्रतमध्ये हरतालिका तीजको व्रतलाई सबैभन्दा कठिन मानिन्छ ।

हरतालिका तीजमा भक्तजनले दिनभर निर्जला व्रत राख्छन् र भोलिपल्ट व्रत तोड्छन्। साथै विवाहित महिलाले पनि यो व्रत हरेक वर्ष मनाउछन् । तिजमा माता पार्वतीले पनि भगवान शिवलाई पति प्राप्त गर्न व्रत बसेकाे धार्मिक विश्वास छ ।

हरतालिका तीजको व्रत प्रत्येक वर्ष भाद्रपद शुक्ल पक्षको तृतीया तिथिमा मनाइन्छ र चतुर्थीमा तोडिन्छ । यस वर्ष हरतालिका तीजको व्रत भदौ २१ गते शुक्रबार भाेलि मनाइदैछ ।

तीजमा गर्भवती महिलाले यो व्रत कसरी राख्ने र यो व्रतमा के के कुरामा ध्यान दिनुपर्छ र गर्भमा रहेको बच्चालाई कुनै खतरा नहोस् भनेर के-के सावधानी अपनाउनुपर्छ आउनुहोस् जानौं ।

गर्भवती महिलाले हरतालिका तीज व्रतमा यी कुरामा ध्यान दिनुपर्छ

व्रत कहिले राख्न सकिन्छ : गर्भावस्थामा कुनै समस्या नभएको र चिकित्सकले व्रत बस्न सल्लाह दिएमा हरतालिका तीजको व्रत राख्न सकिन्छ ।

चिकित्सकको सल्लाह लिनुहोस्– हरतालिका तीजको व्रत बस्नुअघि गर्भवती महिलाले आफ्नो चिकित्सकसँग परामर्श लिनुपर्छ। तपाईंको र गर्भमा रहेको बच्चाको स्वास्थ्यलाई ध्यानमा राखेर डाक्टरले उपवास बस्ने कि नगर्ने सल्लाह दिनेछन्।

पहिलो त्रैमासिकमा व्रत नराख्नुः गर्भवती महिलाले पहिलो त्रैमासिक अर्थात् गर्भावस्थाको पहिलो तीन महिनामा उपवास बस्नु हुँदैन। किनभने यस समयमा भ्रूणको विकास धेरै छिटो हुन्छ र धेरै शारीरिक परिवर्तनहरू हुन्छन्।

निर्जला व्रत नराख्नुः गर्भवती महिलाले निर्जला व्रत नराख्ने । किनकी यो समयमा शरीरलाई हाइड्रेटेड राख्नु निकै जरुरी हुन्छ ।

तरल पदार्थको सेवन गर्नुहोस्: नरिवलको पानी, जुस, दूध आदि जस्ता तरल पदार्थको सेवन गर्न सक्नुहुन्छ। यसमा कुनै दोष छैन।

यी चिजको सेवन नगर्नुहोस्ः गर्भावस्थामा फलफूलको जुस आदि पिउन सक्नुहुन्छ । तर ठोस खानेकुरा वा चिया र कफी पिउने नगर्नुहोस्।

यी कुराबाट जोगिनुः हरतालिका तीजमा राति जागर बस्ने, घण्टौं बसेर भजन–कीर्तन गर्ने र गीत गाउने चलन छ । तर गर्भवती महिलाले यसबाट बच्नुपर्छ।

उपवास कहिले नगर्ने : गर्भावस्थामा केही जटिलता वा समस्या भएमा उपवास बस्नुस् । यसो गर्नाले गर्भमा रहेको बच्चालाई नोक्सान हुन सक्छ ।

व्रत तोड्नु परेमा के गर्ने : गर्भावस्थामा व्रत तोड्नु परेमा पुजारीलाई सुपारीमा केही दक्षिणा चढाउनुपर्छ । साथै, भगवानको अगाडि पूजा गर्नुहोस् र हात जोडेर प्रार्थना गर्नुहोस्।