काठमाडौँ– अगस्ट १५ मा भारतमा आफ्नो पहिलो इलेक्ट्रिक मोटरसाइकल लन्च गरेको ओला इलेक्ट्रिकले अब एआईमा ध्यान दिने भएको छ।
यस कम्पनीले चिप्स निर्माण गर्न चिप डिजाइन कम्पनी एआरएम र क्यानेडियन एआई कम्पनी अनटेदर एआईसँग रणनीतिक साझेदारीको घोषणा गरेको छ।
क्रुट्रिमको प्रारम्भिक चिप्समा एआईका लागि बोधि, आधारभूत कम्प्युटिङका लागि सर्व, र भारी कम्प्युटिङका लागि ओजस समावेश छन्।
एक मिडियालाई दिइएको एक अन्तरवार्तामा, ओलाका सीईओ र सह–संस्थापक भाविश अग्रवालले ओला इलेक्ट्रिक आर्टिफिशियल इन्टेलिजेन्स भारतको लागि धेरै महत्त्वपूर्ण भएको बताएका छन्।
उनले आफ्नो एआई कम्पनी क्रुट्रिमले सन् २०२६ सम्ममा भारतको पहिलो एआई सिलिकन चिप बनाउने काम गरिरहेको बताए। यदि सफल भयो भने, यसले ओलालाई एनभिडिया, एएमडी र इन्टेल जस्ता कम्पनीहरूसँग प्रतिस्पर्धा गर्ने मौका दिनेछ।
यो खबर पढेर तपाईलाई कस्तो महसुस भयो ?
प्रतिक्रिया