सलमान खानको नयाँ गीत रिलिज, अयानसँग देखियो अद्भूत केमेस्ट्री !

काठमाडौँ – बलिउडका दबंग सलमान खानको नयाँ गीत You Are Mine सार्वजनिक भएको छ । जसमा उनी आफ्ना भतिजा तथा गायक आयन अग्निहोत्रीसँग देखिएका छन् । यस गीतलाई सलमान खान र उनका भतिजा अयान अग्निहोत्रीले गाएका छन् ।

You Are Mine को संगीत विशाल मिश्राले दिएका छन् । जुन सामाजिक सञ्जालमा भाइरल भएकाे छ । यस गीतको बारेमा कुरा गर्दै सलमान खानले आफैंले अयान पनि यो गीतका लागि मसँग निकै उत्साहित रहेको बताएका थिए ।

तर अयानले भनेका थिए कि सलमान अंकल लेजेन्ड हुन् । जसबाट मैले धेरै कुरा सिकेको छु । You Are Mine मा यो एक अविश्वसनीय अनुभव थियो। मलाई आशा छ कि हामी र हाम्रा फ्यानहरूले यसलाई धेरै मन पराउनेछन् र यो सधैं यादगार रहनेछ।

यस गीतमा सलमान खान निकै आकर्षक लुकमा देखिएका छन् । उनले सेतो शर्ट र मिल्दो प्यान्ट लगाएका छन् । अभिनेताको लुकलाई सामाजिक सञ्जालमा निकै रुचाइएको छ । अभिनेताको गीतमा कमेन्ट गर्दै एक प्रयोगकर्ताले लेखेका छन् वाह, धेरै राम्रो गीत । अर्काले लेखेका छन्, उनी निकै आकर्षक देखिन्छन् ।

सलमान खानको वर्कफ्रन्टको कुरा गर्ने हो भने, अभिनेता पछिल्लो पटक फिल्म ‘टाइगर ३’ मा देखिएका थिए । फ्यानले फिल्ममा कट्रिना कैफसँग अभिनेताको जोडी देखे । इमरान हाश्मी पहिलो पटक फिल्ममा नकारात्मक भूमिकामा देखिएका थिए । फिल्मले बक्स अफिसमा निकै राम्रो कलेक्सन गरेको थियो । अब अभिनेता छिट्टै ‘सिकन्दर’ मा देखिदैछन् ।