‘बकिङ्घम मर्डर्स’को पहिलो गीत ‘सदा प्यार टूट गया’ रिलिज

काठमाडौँ – अभिनेत्री करीना कपूर खानको नयाँ फिल्म ‘द बकिंघम मर्डर्स’ले आफ्नो रोचक पोस्टर र टिजरले धेरै हलचल मच्चाएको छ। टिजरको रोमाञ्चक र रहस्यमयसँगै फिल्मकाे पहिलो गीत ‘सडा प्यार टुट गया’ सार्वजनिक गरिएकाे छ । यस गीतमा करीना कपुर निकै सुन्दर देखिएकी छिन् ।

करीना कपुर खानमा छायांकन गरिएको यो गीत निकै रोचक छ । यस्तो समयमा रिलिज गरिएको हो जब उनको क्यारेक्टरले धेरै कठिनाइको सामना गरिरहेको छ, जुन भिडियोमा प्रष्ट देखिन्छ । गीतमा अभिनेत्री सिम्पल लुकमा देखिएकी छिन् । यस गीतमा जासूसको रूपमा उनको फरक भूमिका देखाइएको छ।

बल्ली सागुले ‘सदा प्यार टुट गया’ गीत गाएका छन् र यसबाट उनी बलिउडमा पुनरागमन गर्दैछन् । सन् २००० को दशकमा आफ्ना गीतहरूबाट लोकप्रियता कमाएपछि लोकप्रिय गायिका करीना कपूर खानको फिल्मबाट पुनरागमन गर्दैछिन्।

करीना कपूर ‘द बकिङ्घम मर्डर्स’ मा अभिनय मात्र गर्दिनन्, यसको निर्माता पनि हुन् । यो फिल्म मार्फत करिनाले एउटा रोचक र रहस्यमय कथालाई पर्दामा ल्याउने बताइएकी छन् । यो फिल्म एकता कपूर र करीना कपूर खान बीचको अर्को साझेदारी हो, जसले पहिले “वीरे दी वेडिंग” र “क्रू” जस्ता हिट फिल्महरू दिएका छन्। यो फिल्मबाट उनले मिस्ट्री थ्रिलर विधामा आफ्नो बलियो उपस्थितिको अनुभूति गराउने छिन् ।

करिना कपूर स्टारर फिल्म ‘द बकिङ्घम मर्डर्स’ यसै वर्ष सेप्टेम्बर १३ मा सिनेमाघरमा रिलिज हुँदैछ । यो फिल्ममा करीना कपुर खान, ऐश टन्डन, रणवीर ब्रार र किथ एलेन जस्ता प्रतिभाशाली स्टारहरू छन्। असीम अरोरा, कश्यप कपूर र राघव राज कक्कडले लेखेको यस फिल्मलाई हंसल मेहताले निर्देशन गरेका हुन्।

यो बालाजी टेलिफिल्म्स द्वारा प्रस्तुत महान फिल्म्स र TBM फिल्म्स को निर्माण हो। शोभा कपूर र एकता आर कपूरसँग मिलेर यो फिल्मलाई करिना कपुरले निर्माण गर्दैछिन् । निर्माताका रूपमा करिना कपूरको यो पहिलो फिल्म हो जसमा उनले आफै काम गरेकी छिन् ।