साउदी प्रो लिगमा अल हिलालको लगातार दोस्रो जित

काठमाडौँ– साउदी प्रो लिग फुटबल अन्तर्गत साबिक विजेता अल हिलालले लगातार दोस्रो जित हासिल गरेको छ ।

प्रिन्स फैसल बिन फहद स्टेडियममा बुधबार राति भएको खेलमा हिलालले एलेक्जान्डर मिट्रोभिचको निर्णायक गोलसँगै दोश्रो जित दर्ता गरेको हो । 

खेलमा अल हिलालका लागि अलेक्जेन्डर मित्रोभिकले दुई तथा मुसाब फाहज् अलजुहारीले एक गोल गरे । पहिलो हाफको इन्जुरी समयमा मिट्रोभिचले गोल गर्दै हिलाललाई शुरुवाती अग्रता दिलाएका थिए।

तर, दोस्रो हाफको चौथो मिनेटमा फ्रान्कोइ कोमानोले दमाकलाई बराबरीमा ल्याए। त्यसको दुई मिनेटपछि नै हाबिब डिअलोको गोलमा दमाकले १–२ को अग्रता बनायो।

मुसाब फाहज् अलजुहारीलेले ७३औँ मिनेटमा गोल गरेपछि हिलाल २–२ को बराबरीमा फर्कियो। निर्धारित ९० मिनेटको खेल सकिन ६ मिनेट बाँकी रहँदा मिट्रोभिचले गोल थप्दै जित सुनिश्चित गरे।

जितसँगै हिलाल दुई खेलबाट ६ अङ्क जोडेर अङ्क तालिकाको शीर्षस्थानमा रहेको छ । दमाक एफसीले दुवै खेल हारेको छ ।