काठमाडौँ– फिल्म ‘राजागंज: पूजा, सर’ को टिजर सार्वजनिक गरिएको छ । यो फिल्मलाई दीपक रौनियारले निर्देशन गरेका हुन् ।
यसअघि हाइवे र ह्वाइट सन निर्देशन गरेर चर्चा बटुलेका निर्देशक रौनियारले यो फिल्ममा पनि राम्रो मेहनत गरेको टिजरबाट झल्किन्छ । व्यावसायिकभन्दा बढी कलात्मक फिल्म निर्देशन गर्न रुचाउने रौनियारले यो फिल्ममा सभासदका छोरा अपहरणमा परेपछिको घटनाक्रमलाई फिल्ममा दृश्यांकन गरेका छन् ।
फिल्मलाई वास्तविक घटनाहरूबाट प्रभावित भएर निर्माण गरिएको भनिएको छ । यस्तै फिल्ममा आशा मगरातीलाई शीर्ष भूमिकामा देख्न सकिन्छ भने निकिता चण्डक, ऋचा शर्मा, दयाहाङ राई लगायतका कलाकारको समेत अभिनय छ ।
यो फिल्म भेनिस फिल्म फेस्टिभलमा पनि प्रिमियर हुने निर्माण टिमले जनाएको छ । फिल्ममा दीपक रौनियार, डेभिड बार्कर र आशा मगरातीको लेखन रहेको छ ।
हेर्नुस् टिजर:
यो खबर पढेर तपाईलाई कस्तो महसुस भयो ?
प्रतिक्रिया