नरिवल पानी पिउनुहोस्, मिल्छ यति धेरै समस्याबाट राहत 

हामी विशेषगरी गर्मी महिनामा नरिवल पानी पिउने गर्छौ । यो स्वास्थ्यको लागी निकै लाभदायक छ । सम्भव भएसम्म नरिवल पानी दैनिक रूपमा पिउने गर्नुहोस् । नरिवल पानी तपाईँले जुनसुकै समयमा पिउन सकिन्छ ।

नरिवल पानी शत प्रतिशत स्वस्थ र सङ्क्रमणमुक्त हुन्छ । यसमा ९४ प्रतिशत पानी हुनुका साथै क्यालोरीको मात्रा पनि न्यून हुन्छ । यो पानी अत्यन्तै स्वस्थ र भिटामिनहरूले भरिपूर्ण पेयपदार्थ हो ।

यसमा भिटामिन बी र एमिनो एसिड पर्याप्त मात्रामा पाइन्छ । त्यस्तै, पोटासियम र म्याग्नेसियमयुक्त नरिवल पानीको फाइदा हामीहरूले सोचेभन्दा बढी फाइदा छ ।

यसकारण आउनुहोस् आज हामी तपाईँलाई नरिवल पानी पिउनुका फाइदाहरूको विषयमा जानकारी गराउँछौ । यदि तपाईँ खाली पेटमा आफ्नो दिनको सुरुवात नरिवल पानीबाट गर्नुहुन्छ भने स्वास्थ्यमा धेरै फाइदा पुग्छ ।

हाइड्रेशन

यदि तपाईँ आफ्नो दिनको सुरुवात नरिवल पानीबाट गर्नुहुन्छ भने तपाईँको शरीरमा पानीको कमी हुँदैन, अर्थात् तपाईँको शरीर हाइड्रेटेड रहन्छ । गर्मीमा बिहान–बिहान नरिवल पानी पिउँदा तपाईँ डिहाइड्रेशन जस्ता समस्याबाट बच्न सक्नुहुन्छ ।

मुटुको स्वास्थ्य

नरिवल पानीमा पाइने तत्त्वहरू तपाईँको मुटुको स्वास्थ्यका लागि पनि धेरै फाइदाजनक साबित हुन सक्छ । यदि तपाईँ मुटुसँग सम्बन्धित रोगहरूको खतरा कम गर्न चाहनुहुन्छ भने हरेक दिन नरिवल पानी पिउन सुरु गर्नुहोस् ।

तौल घटाउन सहयोगी

नरिवल पानी तपाईँको तौल घटाउन पनि धेरै हदसम्म सजिलो बनाउन सक्छ । यदि तपाईँ मोटोपनाबाट छुटकारा पाउन चाहनुहुन्छ भने खाली पेट नरिवल पानी पिउन सुरु गर्नुहोस् । फाइबरयुक्त नरिवल पानी पिउँदा तपाईँको पेट लामो समयसम्म भरिएको महसुस हुनेछ ।

पेटको स्वास्थ्य

नरिवल पानी तपाईँको पेटको स्वास्थ्यलाई पनि धेरै हदसम्म सुधार गर्न सक्छ । यदि तपाईँ पेटसँग सम्बन्धित समस्याहरूबाट बच्न चाहनुहुन्छ भने हरेक बिहान नरिवल पानी पिउन सुरु गर्नुहोस् ।

गर्भवतीसँग सम्बन्धित समस्याबाट मुक्ति

नरिवल पानी स्वाभाविक रूपमा स्वस्थ र सङ्क्रमणरहित हुनाले गर्भावस्थामा यसलाई पिउँदा सुरक्षित मानिन्छ । गर्भधारणका क्रममा हुने वाकवाकी, अम्लीयपन, र मुटु तथा घाँटी पोल्ने समस्याबाट पनि मुक्ति मिल्छ । त्यस्तै गर्भवतीले नियमित नरिवल र यसको पानी खाँदा पेटभित्रको शिशु निकै स्वस्थ हुने चिकित्सकहरूले बताउने गरेका छन्।

छालामा चमकपन बढाउँछ, निखारता ल्याउँछ

भद्दा छालालाई चमक बनाउने इच्छा कसको हुँदैन र ? निश्चय नै ताजा नरिवल पानीको सेवनले छाला नरम बनाउनुको साथै धपक्क चमक ल्याइदिन्छ । त्यस्तै हात र अनुहारमा दिनको दुई पटक यसको प्रयोग गर्दा अत्यधिक फाइदा भएको पुष्टि भइसकेको छ । नरिवल पानीमा हुने काइटोकिनिस नाम गरेको तत्त्वले हाम्रो शरीरको कोषलाई सशक्त बनाउनुका साथै चाउरी र वृद्ध हुनबाट बचाउँछ ।