काठमाडौँ – आज साफ यू-२० च्याम्पियनसिपको फाइनल खेल हुँदै छ । फाइनल खेलमा नेपाल र बङ्गलादेश आमने सामने हुँदै छन् ।
सातदोबाटोस्थित एन्फा कम्प्लेक्समा हुने यो खेल अपराह्न २: ३० बजेदेखि हुने भएको छ ।लगातार भइरहेको वर्षाका कारण दशरथ रङ्गशाला खेल्न योग्य नभएपछि फाइनल खेलपनि एन्फा कम्प्लेक्समा नै हुने भएको एन्फाले जानकारी दिएको छ ।
नेपालले सेमिफाइनलमा भुटानलाई पेनाल्टी सुटआउटमा ४-१ गोल अन्तरले पराजित गर्दै फाइनलमा पुगेको हो । त्यस्तै बङ्गलादेशले भने सेमिफाइनलमा भारतलाई पेनाल्टी सुटआउटमा ४-३ गोल अन्तरले पराजित गर्दै फाइनलमा पुगेको हो ।
नेपाल र बङ्गलादेश यस प्रतियोगिताको एकै समूह ए मा रहेका थिए । समूह चरणको खेलमा नेपालले बङ्गलादेशलाई २-१ गोल अन्तरले पराजित गरेको थियो ।
नेपालले अहिलेसम्म २०१५ र २०१७ मा साफ यू-२० च्याम्पियनसिपको उपाधि जितेको भएपनि बङ्गलादेशले भने अहिलेसम्म यो उपाधि जितेको छैन । बङ्गलादेश अहिलेसम्म २०१७, २०१९ र २०२२ मा फाइनलमा पुगेर पराजित भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया