कान किन चिलाउँछ ?

कान मानव शरीरको निकै संवेदनशील अङ्ग हो । कहिलेकाहीँ कान चिलाउनु सामान्य हो । तर, कानको भित्री भाग बारम्बार चिलाउँछ भनेचाहिँ हेलचेक्र्याइँ गर्नुहुन्न ।

लगातार कान चिलाउँछ भने तपाईँको कानमा इन्फेक्सन भएको हुन सक्छ ।  छालामा हुने सुक्खापन र खानपानको गडबडीले पनि कान चिलाउन सक्छ ।  चिलाइ मार्न कानभित्र औँला घुसार्दा उल्टै इन्फेक्सन बढ्ने खतरा हुन्छ ।

आउनुहोस् आज हामी  कान किन चिलाउँछ ? भन्ने बारे चर्चा गरौँ

– एलर्जीको कारणले गर्दा कान चिलाउने समस्या हुन्छ । कहिलेकाहीँ सङ्क्रमण पनि धेरै कारणमध्ये एक हुन सक्छ । चिसो वा फ्लुको कारण ब्याक्टेरिया र भाइरस जस्ता कानको सङ्क्रमण हुन सक्छ । यसबाहेक कानमा पानी जमेको कारणले पनि कानमा सङ्क्रमणको समस्या हुन सक्छ । यस्तो अवस्थामा तत्काल चिकित्सकको सल्लाह लिनुपर्छ ।

– सामान्यतया हाम्रो कान सफा र स्वस्थ राख्न तेल र इयरबर्डको प्रयोग गर्छौं । हामीमध्ये धेरैले आफ्नो कान धेरै सफा गर्छौं, यस्तो अवस्थामा कानबाट मोस्चर हट्छ र जसका कारण कान सुक्खा हुन्छ । यस्तो अवस्थामा कानमा जलन र चिलाउने हुनुका साथै अन्य समस्या हुन सक्छ ।

– खानाको एलर्जीले पनि केही मानिसहरूलाई कानको समस्या निम्त्याउन सक्छ । सामान्यतया दूध, माछा, गहुँ, सोया जस्ता खानेकुरा खाँदा कान चिलाउने समस्या हुन्छ । साथै यसले केही मानिसहरूलाई अन्य भागहरूमा पनि चिलाएको अनुभव गराउन सक्छ ।

– कानेगुजी जम्मा हुँदा पनि चिलाउन सक्छ । यसका साथै सुन्ने क्षमतामा पनि असर पर्छ । वास्तवमा हाम्रो कानले कान सफा राख्न र भित्री कानलाई सङ्क्रमणबाट जोगाउन मद्दत गर्न कानेगुजी उत्पादन गर्छ ।

– कानमा पानी पर्‍यो भने एक्युट ओटिटिस एक्सटर्ना भनिने अवस्था निम्त्याउन सक्छ । यो अवस्थालाई कान स्वीमर भनिन्छ, किनभने यो समस्या पौडी खेल्नेहरूलाई बढी असर गर्छ । कानमा पानी पस्दा कान दुख्ने, घाँटी, अनुहार वा टाउको दुख्ने, कानको वरिपरि सुन्निने, कान बग्ने, कानमा फुस्रो हुने, सुन्नमा कठिनाइ हुने जस्ता समस्या हुन सक्छन् ।