काठमाडौँ – बलिउड अभिनेत्री श्रद्धा कपुर इन्स्टाग्राममा दोश्रो सबैभन्दा बढि फलोअर्स भएको भारतीय बनेकी छिन् ।
हालै रिलिज भएको फिल्म ‘स्त्री २’ को सफलतापछि चर्चामा रहेकी उनी प्रियंका चोपडालाई उछिन्दै यो स्थानमा पुगेकी हुन् ।
अहिले श्रद्धा कपुरका इन्स्टाग्राममा ९२ मिलियन फलोअर्स पुगेका छन् भने प्रियंका चोपडाका ९१.८ मिलियन फलोअर्स रहेका छन् ।
यसअघि प्रियंका चोपडा यस मामिलामा बलिउड स्टारहरूमा सबैभन्दा अगाडी रहेकी थिइन् । तर अहिले श्रद्धाले उनलाई पछि पार्दै पहिलो नम्बरमा आफ्नो स्थान बनाएकी छिन् ।
अहिले पनि इन्स्टाग्राममा सबै भन्दा बढी फलोअर्स भएका भारतीय भने क्रिकेटर विराट कोहली हुन् । उनका इन्स्टाग्राममा २७० मिलियन फलोअर्स रहेका छन् ।
रिपोर्टका अनुसार फिल्म स्त्री–२ रिलिज हुनुअघि श्रद्धा कपुरका इन्स्टाग्राममा करिब ९० मिलियन फलोअर्स थिए । तर फिल्म हलमा रिलिज भयो र दर्शकको अपार समर्थन पायो । फिल्मले बक्स अफिसमा मात्र सफलता हासिल गरिरहेको छैन, अभिनेत्री श्रद्धाका फलोअर्स समेत बढेका छन् ।
यो खबर पढेर तपाईलाई कस्तो महसुस भयो ?
प्रतिक्रिया