रिब्दिकोटमा तीज गीत प्रतियोगिता हुने

पाल्पा– रिब्दिकोट गाउँपालिकाले तीज गीत प्रतियोगिता गर्ने भएको छ । गाउँपालिकाले नेपाली महिलाहरुको महान चाड हरितालिका तीजको अवसरमा पारी सो प्रतियोगिता गर्न लागेको हो ।

प्रतियोगितामा पालिकाभित्रका हरेक वडाबाट एउटा मात्रै समूहले सहभागिता जनाउन पाउने जनाइएको छ । गाउँपालिकाले जारी गरेको सूचनाका अनुसार ‘मेरो रिब्दिकोट मेरो गर्व मेरो स्वर्ग’ विषयवस्तुमा केन्द्रीत भई गीत गाउनु पर्ने छ ।

प्रतियोगिता भाद्र १६ गते गाउँपालिकाको कार्यपालिका भवनमा हुने जनाइएको छ । कार्यक्रममा विजेता हुने समुहलाई पुरस्कारको व्यवस्थासमेत गरेको सो सूचनामा उल्लेख गरिएको छ ।