काठमाडौँ – पोखरा विमानस्थलबाट बुधबार बिहान काठमाडौँका लागि उडेको बुद्ध एयरको एउटा जहाज भैरहवा डाइभर्ट गरिएको छ ।
काठमाडौँस्थित त्रिभुवन विमानस्थलको मौसम खराबीका कारण अवतरण हुन नसकेको जहाज करिब २० मिनेट आकाशमा घुमेर भैरहवास्थित गौतमबुद्ध विमानस्थल अवतरण भएको हो ।
पोखरा विमानस्थलकी सूचना अधिकारी जसोदा रेग्मीले भिजिविलिटी कम हुँदा सुरक्षामा ख्याल गर्दै जहाजलाई भैरहवा डाइभर्ट गर्नुपर्ने अवस्था आएको बताइन् ।
उनका अनुसार भिजिबिलिटी कम भएकाले पोखरा विमानस्थल पनि अहिले बन्द गरिएको छ । पछिल्लो समय भएका दुई ठूला दुर्घटनापछि हवाई सुरक्षा सतर्कता बढाइएको छ ।
यो खबर पढेर तपाईलाई कस्तो महसुस भयो ?
प्रतिक्रिया