काठमाडौँ– फिल्म ‘द रेट सुट्केस’ ले ‘बेस्ट फिल्म फ्रम द सबकन्टिनेन्ट’को अवार्ड जितेको छ । फिडेल देवकोटाको निर्देशनमा रहेको सो फिल्मले अष्ट्रेलियाको मेलबर्नमा आयोजित इण्डियन फिल्म फेस्टिभल २०२४ मा सो अवार्ड जितेको हो ।
यो फिल्मलाई नेपालमा घरेलु दर्शकले धेरै रुचाएको थियो । शुक्रबार सम्पन्न अवार्डमा बिपिन कार्की, सौगात मल्ल र सृष्टि श्रेष्ठ स्टारर फिल्मले उपमहाद्धिपकै उत्कृष्ट फिल्मको पुरस्कार जितेको हो ।
सो फिल्म आइसफल फिल्म्सको ब्यानरमा रामकृष्ण पोखरेलले निर्माण भएको हो । फिल्मले वैदेशिक रोजगारीको यथार्थ पाटोलाई चित्रण गर्छ । इण्डियन फिल्म फेस्टिभल मेलबर्न २०२४ अष्ट्रेलियामा हुने भारतीय डायस्पोराको सबैभन्दा प्रतिष्ठित अवार्ड हो ।
यो खबर पढेर तपाईलाई कस्तो महसुस भयो ?
प्रतिक्रिया