साउदी सुपर कप : अल नासर फाइनल प्रवेश

काठमाडौं– अल नासर साउदी सुपर कप फुटबलको फाइनल प्रवेश गरेको छ । गएराति भएको खेलमा अल तावोनलाई २–० गोलले हराउँदै अल नासर फाइनलमा पुगेको हो ।

अल नासरका लागि आयमन अहमेद र क्रिष्टियानो रोनाल्डोले एक–एक गोल गरेका थिए ।

अहमेदले खेलको आठौँ मिनेटमा टोलीलाई सुरुवाती अग्रता दिलाएका थिए । यस्तै रोनाल्डोले ५७औँ मिनेटमा गोल गर्दै टोलीको अग्रतालाई दोब्बर बनाएका थिए ।

त्यसपछि दुवैतर्फबाट थप कुनै गोल नहुँदा अल नासर अल तावोनविरुद्ध २–० ले विजयी भयो ।