काठमाडौँ – अभिनेता आशिफ शाह फिल्म ‘जन्ते बाख्रो’मा अनुबन्धित भएका छन् ।
यसअघि नै फिल्मको मुख्य भूमिकामा अभिनेता सौगात मल्ल अनुबन्धित भैसकेका छन् भने आशिफको पनि मुख्य भूमिका नै रहने छ ।
सिनेमाको मुख्य अभिनेत्री लगायतका केही कलाकारका लागि अडिसन आव्हान गरिएको छ । जसका लागि देशभरबाट चार सय बढी आवेदन परेको निर्माण पक्षको दाबी छ ।
सिमोस सुनुवारको निर्देशनमा निर्माण हुने यो फिल्म छायाङ्कनमा भने तिहार पछाडि मात्रै जाने छ ।
यो फिल्मको कथा, पटकथा तथा संवाद प्रदीप भारद्वाजले लेखेका हुन् । मुईन इन्टरटेनमेन्टको ब्यानरमा निर्माण हुने सिनेमामा सन्तोष गौतम र निर्देशक सिमोस सुनुवारको लगानी रहनेछ । सिनेमाको छायाङ्कन हरि हुँमागाईले गर्नेछन् ।
यो खबर पढेर तपाईलाई कस्तो महसुस भयो ?
प्रतिक्रिया