छक्कापञ्जा ५ को बिहे भाको छैन गीत सार्वजनिक

काठमाडौँ – फिल्म ‘छक्कापञ्जा ५’ को ‘बिहे भाको छैन’ गीत सार्वजनिक भएको छ । सोमबार ओएसआर डिजिटल युट्युबबाट सार्वजनिक ‘बिहे भाको छैन’ बोलको गीत सार्वजनिक गरिएकाे हाे ।

सार्वजनिक गरिएकाे ‘बिहे भाको छैन’ गीतकाे भिडिओमा फिल्मका शीर्ष कलाकार अभिनेता दीपकराज गिरी र अभिनेत्री वर्षा शिवाकोटी फिचर्ड रहेकाे छ भने सुनिल क्षेत्रीकाे कोरियोग्राफी गरेकाे छ ।

गीतमा सविन सुवेदी र बेनिशा पौडेलको स्वर छ। यसका शब्द दीपकराज गिरी र दीपक शर्मा मिलेर लेखेका हुन्। दीपक शर्माको संगीत निर्देशन रहेको गीतमा रिकेश गुरूङले संगीत संयोजन गरेका छन् ।

दीपाश्री निरौलाको निर्देशनमा तयार ‘छक्कापञ्जा ५’ मा दीपकराज र वर्षासहित केदार घिमिरेको शीर्ष अभिनय छ। कार्यकारी निर्मातामा केदार र निर्मल शर्मा छन्। आमा सरस्वती मुभिज र आइएमआईको प्रस्तुति रहेको फिल्म दसैंको अवसर पारेर असोज २४ गते फूलपातिमा रिलिज हुनेछ।