काठमाडौँ – सुपरहिट फिल्म ‘अवतार’ को तेस्रो संस्करण बन्ने भएको छ । ‘अवतार: फायर एन्ड एयास्’ नाम राखिएको यो संस्करणको शुक्रबार घोषणा गरिएको हो ।
क्यालिफोर्नियामा आयोजित डिस्नी फ्यान इभेन्टमा निर्देशक जेम्स क्यामरुनले संस्करणको घोषणा गर्दैै आगामी संस्करण ‘मानिसहरूले सोचेभन्दा फरक हुने’ जिकिर गरे ।
यसअघि अवतारको पहिलो संस्करण सन् २००९ मा रिलिज भएको थियो भने त्यसपछि सन् २०२२ मा अवतार : द वे अफ वाटर प्रदर्शनमा आएको थियो । तेस्रो संस्करण भने सन् २०२५ को डिसेम्बर १९ मा रिलिज हुने बताइएको छ ।
सो कार्यक्रममा सन् २००३ को चर्चित कमेडी चलचित्र फ्रिकी फ्राइडेको दोस्रो संस्करणको समेत घोषणा गरिएको छ ।
१२ हजार दर्शक सहभागी सोही कार्यक्रममा स्टार वार फ्रेन्चाइजीको नयाँ फिल्म द म्यानडालोरियनको पनि घोषणा गरियो । यो सन् २०२६ को मेमा रिलिज हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया