कृति सेननले किन दिइन् वरुण धवनलाई धोकेबाजको संज्ञा ?

काठमाडौँ – बलिउड अभिनेत्री कृती सेननले एउटा भिडियो शेयर गर्दै वरुण धवनलाई धोकेबाजको संज्ञा दिएकी छन् । 

आगामी स्वतन्त्रता दिवसमा प्रदर्शनमा आउन लागेको फिल्म ‘स्त्री २’ को गीत ‘खुबसुरत’मा प्रतिक्रिया जनाउँदै उनले यस्तो लेखेकी हुन् । तर यो कुनै आरोप भन्दा पनि रमाइलो पोस्ट हो । 

श्रद्धा कपुरसँग वरुण रोमान्टिक देखिँदा कृतिले रियाक्ट गरेकी हुन् । जहाँ उनले लेखेकी छिन् ‘ धोखेबाज, तिम्रो जिन्दगीमा स्त्री नम्बर २ रै छिन् ।’ 

स्मरणीय छ कि ‘स्त्री २ ’को गीत ‘खुबसुरत’ अहिले सामाजिक सञ्जालमा भाइरल बनिरहेको छ । जहाँ श्रद्धा कपुर,वरुण धवन र राजकुमार राव केमियो रोलमा देखिने छ । जसमा कृतिले रियाक्ट गर्नुको पनि कारण छ । उनी यसअघिको फिल्म ‘भेडिया’ मा वरुणसँगै लिड रोलमा देखिएकी थिइन । 

यसैबीच उनको धोकेबाज संज्ञाको उत्तर वरुणले पनि दिएका छन् । उनले इन्स्टाग्राम स्टोरीजमा रमाइलो भिडियो शेयर गरेका छन् ।

 यसअघि रिलिज भएको स्त्री फिल्ममा ‘आओ कभी हवेली पर’ गीत समावेश थियो । जसमा कृति राजकुमारसँग रोमान्स गरिरहेका छिन् । जहाँ स्त्री २ मा श्रद्धासँग वरुण । यही भिडियो शेखर गरेर वरुणले स्त्री नम्बर १ तिम्रो जिन्दगीमा पनि छ भनेर रमाइलो उत्तर दिएका छन् । 

स्त्री २ मा पङ्कज त्रिपाठी,अभिषेक बनर्जी र अपारशक्ती खुराना मुख्य भूमिकामा छन् । जियो स्टुडियो र दिनेश भिजनको प्रस्तुति रहेको यो फिल्मको निर्देशन अमर कौशिकले गरेका हुन् ।