नागपञ्चमीका तीन दुर्लभ संयोग : कालसर्प दोषबाट मुक्ति मिल्नेछ, यसरी गर्नुहोस् पूजा

काठमाडौँ – शुक्रबार भोली नागपञ्चमी मनाइदै छ । हरेक वर्ष साउन महिनाको शुक्ल पक्ष पञ्चमी तिथिका दिन मनाइने यस पर्वमा नागको पूजा गरिन्छ अर्थात् नागपञ्चमी नागको पूजा गर्ने दिन हो। यो श्रद्धा र विश्वासको पर्व हो। यस दिन नागलाई धारण गर्ने भगवान् भोलेनाथ अर्थात् शिवको पूजा आराधना गर्नु शुभ मानिन्छ।

नागपञ्चमीमा नाग देवतालाई समर्पित नागपञ्चमी पर्व धेरै विशेष छ, यसले शिवलाई प्रसन्न तुल्याउँछ। नागपञ्चमीका दिन तीनवटा दुर्लभ संयोग भइरहेका छन्, जसले पुजा गर्नेलाई फाइदा हुनेछ ।

नागपञ्चमी पर्व सबै नागहरूलाई समर्पित छ। हिन्दू धर्ममा सर्पलाई देवताको स्थान दिइएको छ । यस वर्ष नागपञ्चमीका दिन धेरै प्रकारका दुर्लभ संयोग बन्न थालेका छन् । यस्तो अवस्थामा आजको दिनको महत्व कयौं गुणा बढेको छ । नागपञ्चमी पूजाको समय, मिति र महत्व।

नागपञ्चमीकाे यस दिन साउन महिनाको शुक्ल पक्षको पञ्चमी तिथी विहान १२:३६ बजेबाट सुरु भई भोलिपल्ट १० अगस्ट २०२४ को बिहान ३:१४ बजे समाप्त हुनेछ।

नाग पञ्चमीको पूजाको शुभ समय

नागपञ्चमीका दिन नागदेवताको पूजा आराधनाका लागि साढे दुई घण्टाको शुभ मुहूर्त बनाइएको छ । नाग देवताको पुजाको शुभ साइत बिहान ६ः०१ बजेदेखि ८ः३८ बजेसम्म रहनेछ ।

नागपञ्चमीमा दुर्लभ संयोग

लक्ष्मी नारायण योग – नागपञ्चमीको दिन सिंह राशिमा शुक्र र बुधको संयोगका कारण लक्ष्मी नारायण योग बन्नेछ। यो योगको प्रभावले गर्दा मानिसले कहिल्यै आर्थिक संकटको सामना गर्दैन। बुद्धि र विवेक बढ्नेछ।

शस राजयोग – यस दिन शनिदेवले आफ्नो मूल त्रिभुज राशि कुंभ राशिमा रहँदा शश राजयोगको सृजना गर्नुहुनेछ।

किन गरिन्छ नाग देवताको पूजा ?

सनातन धर्ममा सर्पसँग देवी-देवताको सम्बन्ध धेरै पुरानो छ, जसको झलक हामी देवी-देवताको चित्रमा देख्न सक्छौं। भगवान श्री हरि विष्णुको ओछ्यान शेषनाग हो र भगवान शिवले उनको घाँटीमा नाग देवता धारण गरेका छन्।

यस्तो अवस्थामा नागपञ्चमीको दिन नाग देवतालाई समर्पित हुन्छ । यिनको पूजा गर्नाले भगवान शिव र विष्णुको आशीर्वाद प्राप्त हुन्छ ।

नागपञ्चमीको महत्व

नागपञ्चमीको दिन निकै शुभ मानिन्छ । जसको कुंडलीमा काल सर्प दोष हुन्छ, उनीहरुका लागि नागपञ्चमीको दिन नागको पूजा गर्नु फलदायी हुन्छ र राहु–केतु सम्बन्धी दोष हटाउनका लागि पनि यो दिन उत्तम मानिन्छ ।