साहित्यिक पत्रकार संघद्वारा कवि लोहनी र उप्रेतीलाई सम्मान गर्ने

काठमाडौँ — साहित्यिक पत्रकार संघले दुई जना साहित्यकारलाई सम्मान गर्ने भएको छ । संघले कवि मणि लोहनी र कवि सुरेन उप्रेतीलाई सम्मान गर्न लागेको हो ।

संघले ‘व्यथित काव्य सम्मान २०८१’ बाट लोहनी र ‘व्यथित काव्य डायस्पोरा सम्मान २०८१’ बाट कवि उप्रेतीलाई प्रदान गर्ने भएको हो ।

उनीहरलाई साहित्यकार श्रीओम श्रेष्ठ रोदनको संयोजनमा साहित्यकारहरू पद्मावती सिंह र पारश प्रकाश नेपाल सदस्य रहेको सिफारिस समितिले गरेको सिफारिस अनुसार संस्थाका अध्यक्ष राधेश्याम लेकालीको अध्यक्षतामा बसेको कार्यसमितिको बैठकले यो निर्णय गरेको हो ।

युवा पुस्ताका चर्चित कवि र कथाकार मणि लोहनी पेसाले टेलिभिजन पत्रकार हुन् ।