फिल्म ‘रावायण’ मा पल शाहको फरक लूक्स, यस्तो छ टिजर (भिडियो)

काठमाडौँ– सुदर्शन थापाको निर्देशनमा तयार भएको फिल्म ‘रावायण’ को टिजर सार्वजनिक गरिएको छ । युट्युबमार्फत सार्वजनिक गरिएको टिजरमा पल शाहलाई फरक भूमिकामा देख्न सकिन्छ ।

निर्देशक थापाले यसअघि प्रेमकथामा आधारित फिल्मलाई प्राथमिकता दिएका थिए । यो फिल्ममा भने काटमारका दृश्य बढी भएको टिजरबाट अनुमान लगाउन सकिन्छ । यद्यपि फिल्मको ट्रेलर अझै सार्वजनिक गरिएको छैन ।

आगामी भदौ १८ गतेदेखि प्रदर्शनमा आउने यो फिल्ममा पल शाह, प्रमोद अग्रहरी, प्रियंका कार्की, पूजा शर्मा लगायतका कलाकारको अभिनय छ । नेपालको तराई भेगको कथा समेटिएको फिल्मका कथा निर्देशक थापाले नै लेखेका हुन् ।

टिजरमा पल शाहलाई शीर्ष भूमिकामा देख्न सकिन्छ भने उनको चरित्र पनि भिन्दै तरिकाले प्रस्तुत गरिएको छ । रिलिज नहुँदै यो फिल्मको चर्चा छ ।