काठमाडौँ – फिल्म ‘मोदीबेनी’ आजबाट प्रदर्शनमा आएको छ । फिल्म पर्वत जिल्लाको मोदीबेनी क्षेत्रमा घटेको अविश्वसनीय घटनामा आधारित रहेको छ ।
फिल्ममा अभिनेताको रूपमा अमर प्रताप श्रेष्ठले डेब्यु गरेका छन् भने उनको जोडी अभिनेत्री वर्षा शिवाकोटीसँग बाँधिएको छ। यसै फिल्मबाट करिब १२ वर्षपछि अभिनेत्री रेजिना उप्रेतीले कमब्याक गरेकी छन्।
फिल्ममा अन्य कलाकार प्रवीण खतिवडा, सरोज खनाल, दिलीप केसी, कमलमणि नेपाल, जीवन भट्टराई, सरोज अर्याल, अनामिका लामिछाने, स्नेहा भट्टराई, लाबिसलगायतको अभिनय छ।
डिनेस्ट इन्टरटेनमेन्टको प्रस्तुतिमा बनेको फिल्मका निर्माता दिलीप केसी हुन् भने सहनिर्मातामा हरि श्रेष्ठ छन्।
उत्सव दाहालको छायांकन, भरत रेग्मीको सम्पादन, दीपेन्द्र गौतमको प्रोडक्शन डिजाइन, श्याम बरालको मेकअप, गीता पौडेलको हेयर डिजाइन, भीम श्रेष्ठको ड्रेस डिजाइन र सगुन तामाङको प्रमुख सहायक निर्देशनमा बनेको छ।
यो खबर पढेर तपाईलाई कस्तो महसुस भयो ?
प्रतिक्रिया