‘रावायण’को फस्टलुकमा यस्तो देखिए पल शाह

काठमाडौँ – भदौको २१ गतेबाट प्रदर्शनको तयारीमा रहेको फिल्म ‘रावायण’को फस्टलुक सार्वजनिक गरिएको छ । 

सार्वजनिक फस्टलुकमा नायक पल शाह मात्र अटाएका छन्  भने उनलाई लामो दाह्री, जुँगा र कपाल पालेका देखिन्छ । क्रोधित अवतारमा पेश गरिएको नायक पल शाहको यो गेटअप भिन्न लाग्छ । 

सुदर्शन थापाको निर्देशनमा तयार भएको यो फिल्ममा नायिका पूजा शर्मा मुख्य भूमिकामा छन् । फिल्ममा पलको दोहोरो भूमिका छ । फिल्म भित्र पलले आफैंसँग एक्सन गर्दै गरेको दृश्य हेर्दा दर्शकलाई पक्कै पनि रोचक लाग्नेछ । पूजा शर्माले एकल लगानीमा निर्माण गरेकी हुन् । 

यो फिल्ममा सुशन पाठक कार्यकारी निर्माताको रुपमा छन् । फिल्ममा शिवम् अधिकारीको लेखन, सुदर्शन थापाको कथा, प्रदीप श्रीवास्तवाको पटकथा, सौरभ लामाको डीओपी, मिलन श्रेष्ठको सम्पादन, श्री श्रेष्ठको एक्सन छ ।

 फिल्मको टिजर शुक्रबार रिलिज गर्ने तयारी गरिएको छ ।