किन दूध धेरै पटक उमाल्न हुँदैन ?

पोषणका लागि अति आवश्यक दूध उमालेर खाने गरिन्छ । हुन पनि यसो गर्दा यसमा भएका सूक्ष्म हानिकारक जीवाणु नष्ट हुने गर्छ ।  तर, दूधलाई पटक–पटक उमालेर खाँदा शरीरका लागि हानिसमेत हुन्छ । 

दूधमा मानव शरीरलाई चाहिने आवश्यक पोषक तत्त्व हुन्छन् । दूधमा हड्डीदेखि दाँत बलियो बनाउनेसम्मका पोषण तत्त्व पाइन्छ। यसमा क्याल्सियम, फोस्फोरस, प्रोटिन, भिटामिन बी–१२, भिटामिन ए लगायत स्वास्थ्यवर्धक तत्त्व पाइन्छ।  दूधलाई बारम्बार उमालेर खाएमा यी पौष्टिक तत्त्व नष्ट हुन्छन् ।

दूध तीन मिनेटभन्दा बढी नउमाल्नुहोस् । उमाल्ने क्रममा चलाइराख्नुहोस्। दूध उम्लेको केही क्षणमै चुल्होबाट उतार्नुहोस् । एक पटक उमालेपछि फ्रिजमा राख्नुहोस् या एक पटक उमाल्ने बित्तिकै प्रयोगमा ल्याउनुहोस्।