मेवा मुटुको रोगदेखि प्रोस्टेट क्यान्सरसम्मको लागि रामबाण

काठमाडौँ – मेवा एक यस्तो फल हो जसले पेटसँग सम्बन्धित धेरै समस्याहरू निको पार्न सक्छ। यति मात्र होइन, यसको सेवनले प्रतिरक्षा प्रणाली बलियो बनाउँछ ।

यदि तपाई गर्मीको मौसममा पेटको समस्याले सताइरहनुभएको छ भने मेवा खानु फाइदाजनक हुन्छ । यो एकदमै सस्तो फल हो र सजिलै पाइन्छ। यसको सेवनले मात्रै पेटको समस्या हट्छ । फाइबरले भरिपूर्ण यो फलमा अन्य धेरै पोषक तत्व पनि पाइन्छ । यसले पेट सम्बन्धी समस्यालाई जरैदेखि उखेल्छ ।

जानिराखौं मेवा खानुका ५ अचम्मका फाइदा…

पाकेको मेवा पाचनका लागि निकै फाइदाजनक हुन्छ । फाइबरयुक्त यस फलमा दुईवटा इन्जाइम पापेन र साइमोपापेन पाइन्छ । दुवै इन्जाइमहरूले प्रोटीन पचाउँछन्। त्यसकारण, तिनीहरूले पाचन सुधार गर्छन् र सूजन कम गर्छन्।

जोर्नीसम्बन्धी समस्या र गठियामा पनि मेवा प्रभावकारी हुन्छ । यसको papain र cymopapain इन्जाइमले सूजन कम गर्न काम गर्दछ। जसको कारण गठियाको कडा दुखाइ र जलन कम गर्न सकिन्छ।

अचेल खानपानका कारण मुटु रोगको जोखिम बढेको छ । मुटुलाई यसबाट जोगाउन चाहनुहुन्छ भने मेवा खानुपर्छ । यो एन्टिअक्सिडेन्टको खजाना हो। यसमा प्रशस्त मात्रामा भिटामिन ए, सी र भिटामिन ई पाइने भएकाले यसको सेवनले मुटुसम्बन्धी रोगको जोखिम कम गर्छ । मेवा खाँदा कोलेस्ट्रोलको अक्सिडेशन पनि रोक्छ र ब्लकेज हुनबाट बचाउँछ।

प्रोस्टेट क्यान्सर पुरुषमा पाइने गम्भीर रोग हो। यसको सेवनले प्रोस्टेट क्यान्सरबाट बच्न सकिन्छ । यो फलमा लाइकोपीन पाइन्छ । स्वास्थ्य विज्ञहरूका अनुसार अधिक लाइकोपीनले प्रोस्टेट क्यान्सरको जोखिम कम गर्छ । तर, यस विषयमा अझै अध्ययन आवश्यक छ ।

मेवाले शरीरलाई रोगबाट टाढा राख्ने काम गर्छ । यसलाई खाँदा रोग प्रतिरोधात्मक क्षमतामा सुधार हुन्छ । यसमा भिटामिन सी पाइन्छ, जसले रोग प्रतिरोधात्मक क्षमता बढाउने काम गर्छ । जसले गर्दा शरीर धेरै प्रकारका रोगहरुबाट टाढा रहन्छ ।