कफी खानु फाइदा कि बेफाइदा ?

अहिले कफी नखाने मान्छे सायदै कम होलान् । कफीको स्वाद र वास्ना धेरैलाई मन पर्छ । तर चाहिनेभन्दा बढी कफी खाँदा स्वास्थ्यमा नकरात्मक असर पनि पर्न सक्छ ।

कफीमा कफिनको मात्रा हुने भएकाले धेरै कफी पिउँदा मानसिक तथा शारीरिक समस्या बढाउँछ भने धेरै समयसम्म निद्रा पनि लाग्दैन ।

यसले डर पैदा गर्ने र मुटुको धड्कन रोक्ने सम्भावना बढाइदिन्छ । कफी धेरै पिउँदा स्वास्थ्यका लागि खतरा हुने चिकित्सकहरू बताउँछन् ।

गर्भवती महिलाले दिनमा दुई कपभन्दा बढी कफी सेवन गर्नु राम्रो हुँदैन । अत्याधिक क्याफिनको सेवनले गर्भपतनको सम्भावना बढी हुन्छ ।

यसका साथै जन्मिएको नवजात शिशुमा पनि उसको वजन पनि कम हुन्छ वा जन्मदै शारीरिक तथा मानसिक विकलांग पनि हुन सक्छ ।

एउटा नयाँ अध्ययनले ठिक्क मात्रामा कफी पिउँदा त्यसले गर्भवती महिलाबाहेक अरुलाई नराम्रो असर नगर्ने देखाएको छ।

ब्रिटिश मेडिकल जर्नलमा छापिएको उक्त अनुसन्धानले कलेजोसम्बन्धी रोग, केही प्रकृतिका क्यान्सर र पक्षघातका कारण हुने मृत्युको जोखिम कम हुने देखाएको छ।