कुन उमेरमा कति समय सुत्नुपर्छ, जान्नुहोस् सुत्ने सहि समय

काठमाडाैँ – उमेर अनुसार सुत्ने समय फरक हुन सक्छ। सुत्ने समयलाई दिन र रातको आधारमा पनि विभाजन गर्न सकिन्छ। यसरी सुत्ने हो भने पूरा निद्रा लाग्न सक्छ र शरीर पनि स्वस्थ रहन सक्छ ।

उमेर अनुसार निद्रा : फिट रहन खाना र पानी जत्तिकै निद्रा पनि आवश्यक छ । तर, आजकल व्यस्त जीवनशैली, तनाव, स्मार्टफोनको लतका कारण धेरैजसो मानिसले पर्याप्त निन्द्रा लिन सक्दैनन् ।

उनको निन्द्रा बेलाबेलामा बाधित भइरहन्छ । जसका कारण उनीहरुमा विभिन्न किसिमका रोगहरु लागिरहेका छन् । यस्तो अवस्थामा कति घन्टा निद्रा पर्याप्त हुन्छ भन्ने प्रश्न उठ्छ । शारीरिक र मानसिक रूपमा फिट रहन कति समय सुत्न सकिन्छ जानौं ।

पर्याप्त निद्रा किन महत्त्वपूर्ण छ ?
धेरैलाई रातभर टिभी वा मोबाइलको अगाडि बस्ने बानी हुन्छ । सांसारिक कुराको चिन्ताले सताइरहन्छ। यसले उनीहरूको निद्रामा असर गर्छ। राति निद्राको कमीले समग्र स्वास्थ्यलाई असर गर्छ। नेशनल स्लीप फाउन्डेसनका अनुसार कम्तीमा ७ घण्टा सुत्दा शरीरलाई स्वस्थ्य बनाउन सकिन्छ । यसले शरीरलाई राम्रोसँग बढ्न मद्दत गर्छ। तर, सुत्ने समय उमेर अनुसार फरक हुन सक्छ।

पर्याप्त निन्द्रा लागेन भने के हुन्छ ?
राम्रो काम गर्न, पर्याप्त निद्रा हुनु धेरै महत्त्वपूर्ण छ। यसो हुन सकेन भने शरीर रोगहरुको घर बन्न सक्छ । लामो समयसम्म पर्याप्त निद्रा नआएमा मधुमेह, स्तन क्यान्सर वा मुटुसम्बन्धी रोगको जोखिम हुन सक्ने चिकित्सकहरू बताउँछन् । कम निद्राले शरीरका कोशिकाहरूलाई पनि असर गर्छ र शरीरमा खनिजहरूको सन्तुलनमा पनि गडबड हुन सक्छ, जसले हड्डीलाई क्षति पुर्‍याउन सक्छ।

कति समय सुत्नु राम्रो हो ?
एक रिपोर्टका अनुसार उमेर अनुसार आवश्यक पर्ने घण्टा सुत्ने संख्या फरक हुन सक्छ। सुत्ने समयलाई दिन र रातको आधारमा पनि विभाजन गर्न सकिन्छ। यसरी सुत्ने हो भने पूरा निद्रा लाग्न सक्छ र शरीर पनि स्वस्थ रहन सक्छ ।

कुन उमेरमा कति सुत्ने ?
४-१२ महिनाको बच्चा कम्तिमा १२ देखि १६ घण्टा सुत्नु पर्छ।
१-२ वर्षका बच्चाहरू ११-१४ घण्टा सुत्नु पर्छ।
३-५ वर्षका बच्चाहरूको लागि, ११ देखि १४ घण्टाको निद्रा पर्याप्त छ।
६ देखि १२ वर्षका बालबालिकाले ९ देखि १२ घण्टामा निद्रा पूरा गर्न सक्छन् ।
१३ देखि १८ वर्षका बालबालिकाका लागि ८ देखि १० घण्टा सुत्नु पर्याप्त हुन्छ ।
१८ वर्ष पुगेपछि कम्तीमा ७ घण्टा सुत्नु अति आवश्यक हुन्छ ।
६० वर्षपछि कम्तीमा ८ घण्टा सुत्नुपर्छ ।